Sbornik:2017.12.21-29 EU aktivuje členok protiv Poljskoj, Geopolitičske teorije, Eks-mųž na ženskom šampionatě (Jan Vit, Michał Swat)

This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

⁘ Sbornik:2017.12.21-29 EU aktivuje členok protiv Poljskoj, Geopolitičske teorije, Eks-mųž na ženskom šampionatě (Jan Vit, Michał Swat) ⁘
Avtor:	Michał Swat, Jan Vit
Prěvod:	prvobytno medžuslovjansky
Iztočnik:	Medžuslovjansko Věće, [1] [2] [3] [4] [5] [6]

21.12: EU komisija aktivovala članok 7 dublinskyh dogovorov protiv Poljskoj. Kogda vsi členi EU budu za, Poljska je bude sankcijovana, bude tratiti prava glasovanja i bude platiti finansovu kaznju. Največšimi podpornikami sankcij sut Germanija i Francija. Silno protiv jest Vųgarija.

25.12: Amerikasky znalec, George Friedman, i poljske znalci Jacek Bartosiak i Leszek Sykulski nedavno prědstavili svoje geopolitičske teorije. Govoręt tam zajmlive rěči. Pravdopodobno Amerika nyně imaje problem s Kitajem i za to trěba jej menje dělati v Evropě i iměti prěgrådų, zastavjajųćų i oslabjajųćų Rossijų, daby ne mogla iměti biznes s Němcijų ili sųråbotati s Kitajem. USA i Kitaj imajųt bliz jednakų silų i za to USA ne bųdųt bojevati s Kitajcami ale bųdųt iskati sòjųznikov - napr. Moskvy, ale Moskvy poddanoj Amerikě. Zaradi togo věrojętno Amerika bųde hotěla stvoriti sòjųz, prěgrådų od Baltika do Črnogo Morja - znači něčto shodnogo Medžumorju, s rųkovodstvom Poljsky.

29.12: Lauren Hubbard(39 lět) iz Novoj Zelandije, dobyla srěbrny medalj na Světovom Ženskom Šampionatě Vzdviganja Brěmen. I vse dobro, kromě fakta, iže ješče četyri lěta nazad Lauren imenovala sę Gavin Hubbard i byla mųžem. Zaradi togo narodili sę råzne spory jest li to čestno. Mųžově imajųt velikše myšce i za to Lauren-Gavin mogla iměti prirodnų prěvagų. Teoretično vse bylo učinjeno sòglåsno s pravilami Šampionata, ale stvår ne jest jasny.

Objasnjenja