Sbornik:2018.06.18-30 Amerikanec jěhal ležipedom na avtostradě, Trump: bųdemo tvoriti kosmične orųžne sily, Evrosòjųz i prěseljenci: imamo dogovor (Michał Swat)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Amerikanec jěhal ležipedom na avtostradě, Trump: bųdemo tvoriti kosmične orųžne sily, Evrosòjųz i prěseljenci: imamo dogovor
Avtor: Michał Swat
Prěvod: prvobytno medžuslovjansky
Iztočnik: Medžuslovjansko Věće, [1] [2] [3] [4] [5] [6] [7]




Pentagon - centrala Děla Ohråny Sjedinjenyh Štatov Ameriky


18.06: Němci našli na svojej avtostradě A1 okolo Neustadt in Holstein Amerikanca, jemu 43 lěta, onže jehal ležipedom iz Oslo do Barcelony. Policija shvatila mųža kazavšego jim, iže onųdy vvedla go jego satelitčska navigacija na smartfoně. Policijų prizvali šoferi, udivjeni Amerikancom iz Floridy v ležipedě na avtostradě. Mųž mnogokråtno prosil izvinjenja i dobre policijniki samo napomněli go i izvedši pròč iz avtostrady želali mu ščęstlivy pųť k Išpaniji.


21.06: Donald J. Trump oglåsil, medžu inymi, iže Sjedinjene Štaty Ameriky bųdųt tvoriti "šestų vojennų větvų" - znači "kosmične sily"(space force).
"Nedostatòčno jest iměti jedino amerikanskų prisųćnosť v prostranstvě. Nam trěba iměti amerikanskų dominacijų v prostranstvě". mòlvil tòž iže USA bųde nanovo slati Amerikancev na Měsęc a takože na Marsa - za to bųde takože sųråbotati s amerikanskymi bogačami.
"Ja tutčasno napravjam Děl Ohråny i Pentagon daby směsta načęli proces potrěbny k ustanovjenju kosmičnyh sil kako šestoj větvy orųžnyh sil." - kazal Trump. "To jest velje važno" - rěkl takože.


30.06: Poslě mnogyh råzprav, političnyh sporov i podobnyh stvårov Evrosòjųz i državy Iztočnoj i Južnoj Evropy došli k sòglåšenju. Včera, utrom, odrěkli obvęzòk prijmanja imigrantov. Nove srědišča prijmanja prěseljencev bųdųt v Evropě tvorjene dobrovoljno. V srědiščah tyh bųde råzrěšano sųt li novoprišelci vojennymi běžencami abo nelegalnymi imigrantami, koji povinni byti odslani nazad k svojim državam. Krajiny ne hoćųće prijmati prěseljencev ne bųdųt uže finansovo kaznjene.


Objasnjenja[praviti | praviti kod]