Sbornik:2018.07.27 EU prědkladaje Hrvatiji 6.000 € po prijętom prěselencu (Ilija Petrović)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

EU prědkladaje Hrvatiji 6.000 € po prijętom prěselencu
Avtor: Ilija Petrović
Prěvod: prvobytno medžuslovjansky
Iztočnik: Facebook Interslavic Group, Tanjug, RTS
Doba stvorjenja: 2018.07.27





Lod iz Libije, 2015-o lěto

Dlja vsakogo prěselenca spasenogo iz morja Evropejska komisija bųde platiti 6.000 € dŕžavě ktora reši[1] prijęti jego, a Hrvatija odkydnųla tako prědloženje Brisela, navodi zagrebsky "Večernji list".

Navodi sę že tuta izplata jest čęst prědloženoj koncepcije Evropejskoj komisije razrabotanoj na osnově dogovora dŕžav členov Evropejskogo sòjųza dosęgnųtogo minųlogo měsęca na vŕhu v Briselě, a o ktorom ješče imajųt razgovarjati.
Gazeta navodi da, s pěnęzy, Evropejska komisija prědkladaje i inyh udobnyh možnostij dŕžavam ktore by na svojej ozemji dopustili zavedenje tako rěčenyh rųkovođenyh srědišč (dlja vstųpanja na suhų zemjų) i prěględanja prěselencev.

Toj gazetě jest potvŕđeno da "Hrvatija i dalje stoji pri rěšenji da takyh srědišč – zvali sę oni rųkovođeni srědišča, tabory ili hotspoty – ne žela dopustiti na svojej ozemji".
Zagrebsky věstnik navodi da by tymi srědiščami rųkovodili dŕžavy, podporom EU i urędov sòjųza, a byli by dočasni ili ustanovjeni dlja někojego cělja.

Navodi sę že Brisel mni, kako by sę umenšilo čislo smŕtnyh slučajev i doględalo vstųpanje na suhų zemjų, vse dŕžavy Srědzemskogo morja trěbujųt pobuđati osnovanje posad dlja poiskyvanja i spasanja iz morja.

 


Objasnjenja[praviti | praviti kod]

  1. sěvernoslovjansko bųdųće vrěmę