Sbornik:2018.10.15 OSN: imamo samo 12 lět dabysmo izběgli najgoršemu (Krzysztof Sobótko)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

OSN: imamo samo 12 lět dabysmo izběgli najgoršemu
Avtor: Krzysztof Sobótko
Prěvod:
Iztočnik: Interia.pl




Historična rekonstrukcija teploty na poslědnjih 2000 lět i prědpověd na 2004 lěto


OSN[1] trevoži: Imamo toliko 12 lět na zadrženje izměn klimata

Medžuvladna skupina OSN za izměny klimata opublikovala raport v ktorom prizyvaje k bystrym, daleko idučim i bezprecedentnym izměnam vo vsěh aspektah socialnoj aktivnosti. One sut dolžne, čto by obraniti sę prěd razrušiteljnymi izměnami klimata.

Raport osnovany na bolje čem 6000 naučnyh rabotah sdělanyh 91 avtorami iz 40 držav, pokazyvaje globalny rast teploty o 1.5 stupnnjev Celsija po sravnjenju s uravnjem prěd promyslovoju revoluciju.

Učeni govoręt, čto on privodi k uveličenju čisla krajnyh atmosferičnyh javjenij, povyšenju uravnja morja, umenšenju povrhnosti morskogo leda v Arktikě a takože mnogo inym neblagoprijętnym izměnam v prirodnoj obsrědině.

Profesor Ove Heugh-Guldberg iz avstralijskogo universiteta v Queensland podčrknul, čto izměny klimatske uže nyně seriozno vlivajut na ljudi i ekosistemy, a v budučnosti jih negativny vliv bude ješče bolje rasti, jestli ne budut prijęte prěduprědžajuče rěšenja.

V raportu takože govori sę, čto do 2030 goda globalna emisija dvuoksida vuglikovogo dělana člověkom dolžna pasti až o 45 procentov, jestli hočemo izběgti najgoršemu. Za to ostalo sę toliko 12 lět, čto by protivdělati negativnym naslědkam izměny klimata.


 


Objasnjenja[praviti | praviti kod]

  1. Organizacija Sjedinjenyh Narodov