Sbornik:Jest vesna (Věra Ludviková pr. V. Merunka)
It is not released under Creative Commons Attribution-ShareAlike 3.0 license until its authors will explicitly say so.
⁘ Jest vesna ⁘ | |
---|---|
Avtor: | Věra Ludviková |
Prěvod: | Vojtěch Merunka |
Iztočnik: | Interslavic Facebook Group |
Doba stvorjenja: | januar(sěčenj) 2019 (prěvod) |
Ine: | medžuslovjansky tekst do knigy o mnogyh jezykah světa |
Došla vesna, den za dnom jest dolžejši i vyše aromatičny. Na trnovu věšalku, na vrbove očka věšaj tkaninu do prostora, napinaj ju malo nad zemjeju. Na tom ekranu budeš viděti, že v pustině vozrastli palmove galuzi, i v zelenyh dolinah iztěkaje čista voda. Kako sobytja dějut se v točny moment, takože v točny moment došel muž, ktory se iznova žrtvuje, i v nas se iznova rodi. Jego lice sotvorjeno iz dugovoj pokryvy vstavaje v bělom ruhu do vysoty. Jego učenje vračaje odlomkam razbitogo člověka jego dragocěnnu dušu, ktora ne jest vezana do zemskoj težkosti.
Na kosmičny klubok motaje se duhovna nit, iz ktoroj pletene sut naše duhovne bytja, prvo toliko něčto malo čujuče, ale potom proniknute punktom omega, cěljem našego putovanja. Jest ješče slaba ta srěbrna nit, i legko pukaje, ale my vsegda odpuščajemo, obače priměr velikoj ljubvi ješče ne jest polno poslědovany, ibo my držeči veliko poslanje imajemo naděju, že od Boga věčno ljubjeni budemo dalje davati ljubu kako ognjenų fakljų.