Sbornik:Nikejsko-carigrådski simbol věry
It is not released under Creative Commons Attribution-ShareAlike 3.0 license until its authors will explicitly say so.
⁘ Nikejsko-Carigrådsky simbol věry" ⁘ lat.: Symbolum Constantinopolitanum greč.: Σύμβολον τῆς Νικαίας | |
---|---|
Avtor: | - |
Prěvod: | Kozica[1]
Rafail Gasparjan (redakcija) |
Věrimo v jedinogo Boga-Otca vsemogųćego, tvoritelja neba i zemje, vsih stvårov vidimyh i nevidimyh, i v jedinogo Gospoda Isusa Hrista, Syna Božjego jedinorođenogo, od Otca rođenogo prěd vsimi věkami, Boga od Boga, Světla od Světla, Boga istinnogo od Boga istinnogo, rođenogo, ne stvorjenogo, jedinosųćnogo s Otcem, i hvala Njemu vsečto stalo sę kako na nebu, tako i na zemji. On dlja nas, ljudij, i dlja našego spaseńja, sȯšel s Neba i Duhom Svętym vȯšel v tělo Marije Děvice i stal člověkom. Råzpęty byl na križu takože za nas, pod vlastjų Pontija Pilata mųčeny do smŕti i zakopany. Tret́jego dnja vȯzkresnųl, po Biblije. Vŕnųl sę na Nebo, sědi od desnice Otca. I opęt́ bųde prijdti s hvalojų, sųditi živyh i mŕtvyh i Jego cěsaŕstvu ne bųde konca. Věrimo v Duha Svętogo, Gospoda i dajųćego život, ktory od Otca (i Syna) proizhodi, s Otcem i Synom zajedno prijmujųćego čest́ i slavų, mȯlvęćego črěz prorokov. Věrimo v jedinų, svętų, obćų i apostolskų Cŕkȯv, priznavajemo jedino krešćeńje k odstavjeńju grěhov i čekajemo vȯzrođeńja iz mŕtvyh i život bųdųćej doby. A tyh, kto govori, da bylo někȯgda vremę, kȯgda ne bylo Syna, abo čto On ne byl pređe rođeńja i proizšel iz ne sųćego, abo tvŕdi, da Syn Božji je iz inakoj ipostasi abo sųćnosti, abo stvorjeny, abo prěměnjajemy — tyh anatematstvuje obća i apostolska Cŕkȯv. Amin.
- ↑ Slovianski ZetaBoards Forum