Sbornik:2011.08.02 Ukrajina je jedna iz najgorših ekonomik světa råztraćajųći ogromny potencial (Gabriel Svoboda)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Ukrajina je jedna iz najgorših ekonomik světa råztraćajųći ogromny potencial
Ukrajina je jedna iz najgorših ekonomik světa, råztraćajųć ogromný potencial
Avtor: Gabriel Svoboda
Prěvod: prvobytno medžuslovjansky
Iztočnik: Izvěsti.info (byv. Izvěstija) [1]
Doba stvorjenja: 02 Avgust (srpenj) 2011
4 - corruption - man in suit - euro banknotes hidden in left jacket inside pocket - royalty free, without copyright, public domain photo image.JPG

Danil Fišer, redaktor sjedinjenoštatnogo[1] finansovo-ekonomičnogo žurnala Forbs, napisal na svojem blogě, že Ukrajina, Madagaskar, Jamajka, Gvineja, Venezuela, Kirgizstan, Svazilend, Nikaragua i Iran sųt najgorše ekonomiky světa. Množinstvo tyh krajev tu je takože v dolnom četvrtě spisa krajev sòglåsno indeksu vzprijęťja podkupa Transperensi Internešnl.

Ukrajina je stotridesętčetvrta iz stosedmdesęťosm krajev.

Ukrajina ima plådnų zemjų i veliko mineralno bogatstvo i ona mogla by stati vodžųćejų evropejskojų ekonomikojų.

Ale Gruby Nacionalny Produkt(GNP) na glåvų naseljeňja (tritysęć četyristo osmdsęť tri dolarov) vlěče sę daleko daže za krajami kako Srbija i Bulgarija. Komplikovane zakony i pravila, loše korporativno upravjeňje, slaba izkonavamosť[2] dogovornogo prava prěd sųdami, i osoblivo podkup sųt faktory, kotore otęgčajųt ekonomičny potencial Ukrajiny.

Vladne činovniky kažųt, že ekonomika Ukrajiny uže odskočila od dna i ona bųde råsti o pęť procentov v tom godě tu, poslě sniženja o pętnadsęť procentov pri krizě v dvatysęćdevętom godě. Ale eksperty kažųt, že bogatstvo v kraju je sųsrědotočeno v rųkah maloj skupščiny oligarhov. Čo vyše, dvucifrena inflacija uže drugym godom izsysa kěšeni bědnyh grådžanov. Podkup i paralizujųća bjurokracija otęgča konkurencijų, male firmy i takože potrěbne investiciji. Sòglåsno Transperensi Internešnl, podkup råzširja sę v ekonomično råzvivanje; kde vlada ne funkcionuje, ekonomika ne funkcionuje takože.

Objasnjenja[praviti | praviti kod]

  1. od Sjedinjene Štaty (Ameriky)
  2. od medžs izkonavči