Sbornik:Zasměška ob WC (Tymoteusz Miara)

Iz Medžuviki, svobodnoj encyklopedije
Jump to navigation Jump to search
⁘ Zasměška ob WC ⁘
Avtor: - -
Prěvod: Tymoteusz Miara
Iztočnik: Facebook Interslavic Group



Francuzsky vněšnji toalet okolo Švejcarije



Jedna anglijska učiteljnica je byla v Švejcariji i iskala kvartiry pod najem. Zato ona je zapytala direktora školy (v ktoroj htěla råbotati) mogl li by prědložiti někakų kvartirų. On vzęl jų aby oględěla několiko kvartir, a po tom, kògda vsečto rěšili, učiteljnica vråtila sę v svoj dom da by prigotoviti sę na izměnų doma. Kògdy prijehala obråtno v Anglijų, pripomněla sobě, že ne uviděla WC.
Bystro napisala do direktora pismo pytajųće o to, kde jest WC.

Direktor školy byl nemoćny v anglijskom zato zapytal sę svęćennika s kostela (crkvi) o značeńje "WC". Jih jedinom råzrěšeńjem bylo "Wayside Chapel" (Pridråžna Kapela).
Zato direktor napisal do anglijskoj učiteljnice iščųćej WC takovo pismo:

 * * * *

Dråga Madam,

Prijemno mi izvěstiti, že WC jest 15 km od doma pri borovom lěsu okrųženogo velmi krasnymi krajevidami.
Može poměstiti 229 ljudij i je otvorjene toliko v nedělje i četvŕtky. A tomu že očekyvamo lětom mnogo ljudij, prědkladam prihoditi do WC rano, ale je tam mnogo stojęćego města. To je bezpokojęća situacija osoblivo jestli hćete tam prihoditi čęsto.
Rekomendujų prihodeńje v četvŕtky ibo tògdy je akompanement organovy[1] Akustika je ideaľna i najdelikatnějše zvųky možno uslyšati vsekde.
Može byti, že interesny bųde dlja vas fakt, že moja dòćerka omųžila sę v WC! I onde tòž poznala svojego bųdųćego mųža. Pamętajų kaka byla bitva o sědališča na svaťbě! Bylo okolo 10 (desęť) ljudi na jedno město! Tòž čudno bylo viděti kako jih lica objavjali jih počuťja.
Najnovša atrakcija to zvonòk, ktory jest sfinansoval jedin bogaty žitelj městečka i ktory zvoni vsekråtno kògdy někto vhodi do WC.
Skoro bųdųt kupjene mękke sědališča dlja vsih ibo jih odsųćstvo bylo najbolje odčuvane.
Moja žena jest mnogo delikatna i ne može prihoditi do WC regularno - poslědny raz je byla onde rok tomu nazad.
Bųdų rad zarezervovati vam glåvne město iz ktorogo bųde pani vidima vsim ljudjam. Dětętam je prigotovjena opeka aby ne odvlåčivali doråstlyh.

Nadějam sę, že jesm byl dlja vas pomoćny,

Direktor školy

Signature Honneger.png



Objasnjenja[praviti | praviti kod]

  1. ang: organ's(music)