Sbornik:Zasměšky ob narodah

Iz Medžuviki, svobodnoj enciklopedije
Jump to navigation Jump to search


Žurnalist ima intervju s Črnogorcem:
-Kaku rabotu delajete?
-Ja jesm bezrabotny.
Govori žurnalist žene Črnogorca:
-A vy?
-Ja jemu pomagam.



Grupa Belorusinov obnavjala dom Angliku domovęćemu na selu.
Oni hteli zarabotati vęće groši itak tajno prodali 10 banok anglikovogo barviva. Prišel anglik i kaže:
-Za čto barvjenje ne je zakončeno??
-Eeh, u nas nedostatok barviva...
-Kaky "nedostatok"? Ja kupil jesm!
-Hmmm, nu da, no konj... konj nam izpil celo barvivo! Tegnul farbu kako stara pijanica! - izmyslil neočekyvano jedin Belorus.
Razgnevany Anglik vzel pistolet i smesta zastrelil konja.
Udivjeni Belorusini govoręt:
-Ale za čto tako usmrćati? Za nemnogo barviva?
-Nedavno rabotali u mene Poljaki i toj konj sožrel jim 32 pakety cementa...



Dvoje Makedoncev sošlo sę slučajno v Nju Jorku. Prvy govori:
- Ej, brate, ty li jesi Makedonec? Ja takože!
- Ah, kako toj svět je maly!
- Ne, brate, ovo je za to čo Makedonija je tako velika!



Lucifer čini prěgled v peklě. Ide k prvomu grnu, pri njimže stoji grupa deseterjih diavlov i pyta se:
- Za čto pri tom grně ima straž daže 10 diavlov?
- Tomu že v tom grně varet se Amerikanci a oni sut ambiciozni i vsekto tam probuje někako izběgti.
Lucifer ide dalje i vidi grn pri kojem jest petero diavlov. Podhodi i pyta:
-Tu jest samo 5 diavlov?
-Da, ibo v tom grně sut Angliki, oni takože sut ambiciozni ale takože nemnogo lěnivi: za to 5 diavlov stači.
Potom Lucifer uviděl grn pri kojem jest samo jedin diavol. Lucifer pyta se go:
-Samo jedin diavol: jest li ovako dostatočno?
-Da, v tom grně sut Němci, oni sut mnogo karni i za to trěba jedino jednogo diavla.
Lucifer ide dalje i v konci vidi grn jegože nikto ne strěže - daleko od grna leži diavol i spi.
Lucifer ide k diavlu i se govori:
- Za čto nikto ne gledi na toj grn?
- Nu, tam sut slovjanske narodově.
- Ale ne hoćut li oni izběgti iz togo grnca?
- Da, mnogo hoćut, ale kogda jedin iz njih probuje izběgti i lěze na stěnu grna, rešta susědov go bere i meta vniz.