Skųpec (film)

Iz Medžuviki, svobodnoj enciklopedije
Jump to navigation Jump to search
Plakat filma

Skųpec (ang.: Greedy) - amerikansky filmova komedija iz 1994 lěta, režiserom byl Jonathan Lynn a napisali go Lowell Ganz i Babaloo Mandel.

Film govori medžu inymi ob sěmskom vzajemnom odnošenju i pomoći, starosti a takože ob vlivě penęzev na ljudsko postųpanje.

Pověsť[izměniti | izměniti kod]

Carl, Ed, Frank, Glen i Patti McTeague sųt srodniki jih uja, Joe’a McTeague’a, koji jest prěmnogo bogaty ale jednočasno nepòlnomožny i imaje uže 80 lět. Oni ne ljubęt Joe’a ktory jest hitry a imaje tęžky harakter, ale prihodęt čęsto k njemu ibo hoćųt dostati jego groši poslě jego smrti, na jųže ohotno čěkajųt.

Načinajųt iměti problem, kògda ujec Joe iznajmuje prěkrasnų medsestrų Molly, zaljubjaje sę v njej i hoće jej prěpisati veś svoj imųtòk. Prěstrašena rodina hoće privesti jemu omiljenogo polsyna Joe’a s njimže sprěli sę několiko vrěmena nazad, daby uj stal sę nanovo jim blågosklonny…