Slovianski

Iz Medžuviki, svobodnoj encyklopedije
Jump to navigation Jump to search

Slovianski (Словянски) je slovjanski medžujazik, ktori bil iztvorieni od 2006 goda kak sotrudnične usilie grupi liudov iz rozličnih deržav, sbiranih v nski Forum. Jego glovni ceľ je ulegčenie komunikaciji medžu predstaviteliami rozličnih slovjanskih narodov, a tož umožlivienie komunikaciji s slovjanami dlia liudov, ktore ne znajut liboktori slovjanski jazik. On može biti velika pomoč dlia putujučih i mnogo upotrebime orudie dlia libokogo, ktori hotel bi adresovati celi slovjanski svet posredstvom vebsajtov, forov, spisov e-mejlskih i.t.d., bez potrebovania abi prevoditi tekst v rozne jaziki. Znanie medžuslovjanskogo jazika "Slovianski" umožlivi človeku biti rozumemi dlia liboktorogo govoritelia slovjanskogo jazika i rozumeti viačej, než tolko osnovu teksta v liboktorom slovjanskom jazike. Slovianski tož predstavia dobru metodu dlia tih, ktore hočut načati učiti se svoj pervi slovjanski jazik.

Gramatika kak i slova bili vibrane na osnove spolnosti medžu vsimi tutčasnimi slovianskimi jazikami. Slovianski je naturalistični jazik i tomu jego glovni ceľ je neposredna rozumemosť, više-mnogo od legkogo naučenia. Jednakže gramatika Slovianskogo je uproščeni model' gramatik naturalnih slovianskih jazikov.

Do 2006 goda, Slovianski imal dve versije ili dialekti: Slovianski-P (P = prosti ili pidžin) i Slovianski-N (N = naturalistični). Tutčas Slovianski-N sučestvuje dalej pod nazvu "Slovianski", a Slovianski-P je jego uproščena versija, više-podobna do bulgarskogo i makedonskogo. Oni rozniut sia tolko tim, čo Slovianski ima šesť padežov, a Slovianski-P sloviane ima žadnih padežov.

Slovianski harakterizuje sia obaalfabetnostju: jazik može biti pisani posredstvom latinici i kirilici.

Izvnutrene linki[praviti | praviti kod]