Slovjanske jezyky
Obča informacija | |
---|---|
Narodnost | slovjani |
Ozemja | Južna, Centralna i Iztočna Evropa, Centralna Azija, Sibir i Rosijsky Daleky iztok |
Protojezyk | praslovjansky jezyk |
Klasifikacija | |
Podrazděljeńje | |
Slovjanske jezyky sut čest indoevropejskyh jezykov, na ktoroj govoret boljšestju slovjani. Na slovjanskyh jezykah govoret, po ocěnkam, 315 milionov ljudij, čto dělaje jih najvelikoju jezyčnoju grupoju v Evropě. Slovjanske jezyky po mneńju naučnikov proizhodet od prajezyka, ktory nazyvajut praslovjanskym, na ktorom govorili v ranem Srědnevěčju. On že proizhode od vyše ranogo prabaltoslovjanskogo jezyka, a slovjanske i baltske jezyky sjedinjajut v baltoslovjansku jezykovu rodinu indoevropejskyh jezykov.
Slovjanske jezyky obyčajno dělet na tri podgrupy: iztočnu, zapadnu i južnu, v ktoryh razom nahodet se vyše 20 jezykov. Iz njih 10 imajut hot by milion govoriteljev i služebny status kako narodne jezyky držav, v ktoryh jimi prěvažno govoret: russky, bělorussky i ukrajinsky (iz iztočnoj grupy), poljsky, češsky i slovačsky (iz zapadnoj) i bulgarsky, makedonsky, slovenačsky i srbohrvatsky (iz južnoj).
Tutčasno na slovjanskyh jezykah kako na rodnyh govoret obyčajno v Južnoj Evropě, Centralnoj Evropě, Iztočnoj Evropě i od Sibiri do rosijskogo Dalekogo iztoka. Diaspory različnyh govoriteljev slovjanskyh jezykov takože jestvujut po vsemu světu.
Deljeńje
Zapadnoslovjanske jezyky
- Českoslovačske jezyky
- Lužičske jezyky
- Lehitske jezyky
Iztočnoslovjanske jezyky
- Rutenske jezyky
- Russky
- Staronovgorodsky (mrtvy jezyk)
Južnoslovjanske jezyky
- Zapadne južnoslovjanske jezyky
- Vozhodne južnoslovjanske jezyki
- Makedonsky
- Bulgarsky
- Starocrkovnoslovjansky (mrtvy jezyk)
Umetne jezyky na osnove slovjanskyh jezykov
Medžunarodne pomočne jezyky
- Slovianski
- Proslava
- Slovio
- Ruslavsk (forma slovio)
Fiktivne slovjanske jezyky
- Severnoslovjanske jezyky
- Našsky
- Vozgijsky
- Skuodsky
- Sevorsky
- Lydnevi
- Seversk
- Slavëni
- Slavisk
- Druge fiktivne slovjanske jezyky
- Vransky
Vnešnje linky
- Slovjanske jezyky na sajtu «Etnolog»
- Tutoj članok imaje prěvod iz članka "Slavic languages" v Vikipediji na anglijskom (spis avtorov; dozvoljeńje CC BY-SA 4.0).