Svety Vojtěh

Iz Medžuviki, svobodnoj enciklopedije
Jump to navigation Jump to search
Obraz madjarskogo umětnika Mihaly Kovača «Svety Vojtěh»

Světy Vojtěh (češ.: svatý Vojtěch; slovač.: svätý Vojtech; pol.: święty Wojciech) abo Adalbert iz Pragy (lat.: Adalbertus; ok. 956 — 997) byl češski knez iz rodiny Slavnikovicov, episkop Pragi, benediktin, misionar do Prusiji, mučenik. Svety Katoličskoj crkvy, hranitelj Poljsky, Čehije i Vugrije v katoličskoj tradiciji.

Žitje[izměniti | izměniti kod]

Vojtěh rodil se v Libicah ok. 956 roka. Byl šestom synom Slavnika s rodiny Slavnikovicov, i Strezislavy (č. Střezislava). Podolg legendy kogda zabolěl, jegov roditelja oběčali syna na žitje duhovne. V 981 godě stal se duhovnikom, a v 983 biskupom.

Všel v konflikt s čehami i okolo 989 goda pošel do Rima. Pristupil do reda benediktinov. V 992 byl izslany do Pragy ako episkop po smrti episkopa Folkolda.

Glasil hristijanstvo na vugrskoj Slovakiji, skroz togo všel v konflikt s ne-hristijanskymi Arpadami. Podolg legendy udělil kresta kralju Stefanovi I. Hranil hristijanskyh rabov izslanyh do muslimanskyh držav.

V 994 godě viděl kak ljudi dvorjanina Všrovca ubili nevěrnoj ženu ovogo dvorjanina, krotej Vojtěh dal uběžišče v crkvi. Episkop metnul kletvu i pojehal do Rima. Sinod kazal jemu vračati no papa pozvolil mu stati se misionaram.

Pojehal do Poljski a iz jej do Prusiji s svojim pol-bratom Radzimem i duhovnikom Bogušom Benediktom. 23 aprilja 997 roka žrec Sokko ubil jegov pri gradu Holin.

Relikvije i kult[izměniti | izměniti kod]

Kralj Boleslav I izkupil tělo Vojtěha za cěnu težinu v zlatě. Bylo ono v katedralě v Gnězně.

V 999 godě papa Silvester II kanonizoval Vojtěha.

Denj svetogo Vojtěha jest to 23 aprilja.

Resursa[izměniti | izměniti kod]

O svetom Vojtěhu znajemo tri života: anonimny s 999-1003 goda, napisany prěz svetogo Brunona s 1002-1004 i Pasio Sancti Adalperti martitis.

O svetom Vojtěhu pišut episkop Titmar v svojej kronikě i Anonim zvany Gallem v svojej kronikě.

Vněšnje linky[izměniti | izměniti kod]