Toki-pona

Iz Medžuviki, svobodnoj enciklopedije
Jump to navigation Jump to search
Jezyk
Toki-pona
tok.: toki pona
Slova toki pona pismom toki-pony, sitelen pona.
Obča informacija
StvorjenySonja Lang
Data stvorjenja2001
Pismo
Celj

Toki-pona jest filozofsky hudožny umětny jezyk, ktory jest znany za svoj maly slovosbor, prostost i legkost učeńja.[1] On byl stvorjenym Sonjeju Lang, kanadskoju jezykovědkoju i prěvoditeljniceju,[1][2] dlja oproščeńja mysljij i sporazuměvańja. Prve skicy byli opublikovane onlajn v 2001 godu,[3] a polna forma jezyka — v knigě Toki Pona: The Language of Good ("Toki-pona: Jezyk dobra") v 2014 godu.[4] Lang takože opublikovala dodatočny slovnik na osnově uživańja slov občinoju jezyka, Toki Pona Dictionary, v 2021 godu.

Toki-pona jest izolacijny jezyk jedino s 14 glaskami i planovanoju črtoju minimalizma. Ona jest susrědotočena na prostyh, kolouniversalnyh koncepcijah, da by izdělati možlivym maksimalno izražeńje črěz silno malo čislo slov. V Toki Pona: The Language of Good Lang piše o 120 slovah toki-pony, a pozdnějši slovnik toki-pony imaje 137 "nasučnyh" slov i red menje koristajemyh. Slova v jezyku legko izgovarjati govoriteljam vsakogo jezyka, čto da jemu služiti něktorym mostom medžu ljudami raznyh kultur. Jednakože toki-pona ne imaje cělji byti medžunarodnym pomočnym jezykom. Toki-ponu čestično nadohnula daoistska filozofija, i jezyk byl stvorjenym, da by pomagati koristnikam susrědotočiti se na prostyh věčah i propagovati pozitivno mysljeńje suglasno hipotezě Sepira-Vorfa. Pomimo malogo slovosbora, koristniki toki-pony mogut razuměti drug druga i dorazuměvati se, glavno opirajuči se na kontekst i kombinacije slov dlja izražeńja vyše specifičnyh smyslov.

Poslě stvorjeńja jezyka toki-pona dostala malu občinu koristnikov v početku 2000. lětov.[2][5] Hot aktivnost glavno imaje město onlajn v čat-grupah, v socialnyh mrěžah i inyh onlajn-grupah, koristniki toki-pony dělali red oflajn-sborov v 2000.[3] i 2010. lětah.

Iztočniky

  1. a b Morin, Roc (15 julija 2015). "How to Say (Almost) Everything in a Hundred-Word Language". The Atlantic (na anglijskom). Data dostupa: 1 avgusta 2019.
  2. a b Roberts, Siobhan (9 julija 2007). "Canadian has people talking about lingo she created". The Globe and Mail (na anglijskom). Data dostupa: 10 mareca 2017.
  3. a b Blahuš, Marek (novembra 2011). Fiedler, Sabine (red.). "Toki Pona: eine minimalistische Plansprache" [Toki Pona: A Minimalistic Planned Language] (PDF). Interlinguistische Informationen (na němečskom). Berlin. 18: 51–55. ISSN 1432-3567.
  4. Thomas, Simon (27 mareca 2018). "Exploring Toki Pona: do we need more than 120 words?". Oxford Dictionaries (na anglijskom). Bylo arhivovano iz iztočnika 11 maja 2019. Data dostupa: 3 februara 2019.
  5. Јовановић, Тијана (Tijana Jovanović) (15 dekembra 2006). "Вештачки језици (Veštački jezici)" [Artificial languages]. Политикин Забавник (Politikin Zabavnik) (na srbskom) (2862). Bylo arhivovano iz iztočnika 10 junija 2007.

Vněšnje linky