Topic on Medžuviki:Kavarnja/Arhiv 2

Vse pytańja sut obgovorjene, jestli budut nove, lěpje odkryti novy prědmet.

Několiko vrěmena nazad stvoril jesm sbornik medžuslovjanskyh tekstov - Medžuslovjansky Vikisbornik, ale bliz nikto tam ničto ne pisal. Jest li někaka možnosť svęzanja Vikisbornika s Medžuviki?

Zdrav! Objedinenja ili linkovanja? Linkovanje jest potencialno možlivo črez poněkoj šablon (ktory trěba sdělati). Objedinenje takože možlivo, jestli hočete: možno stvarjati novy prostor tu i importovati stranice s Vikije, a jej zakryti. Togda oba projekta budut nahoditi se sde. Logotip v takom prostore potencialno možno bude kustomizovati, zaglavnu tož.

Možemo importovati i sjediniti, za to že nyněšnji Vikisbornik ne jest mnogo estetičny - sųt reklamy i tako dalje. Kako Vy hoćete tvoriti novy prostor? Ja jesm mněl kako uže dělati «viki vnųtri viki» ale ne jesm dostatòčno izkušeny.

Dobro. Ne trevožite se, ja napišu administratoram Mirahiza o vsem i napišu tu kogda vse bude sdělanym. Něktore funkcije, jednakože, s Vikije prěneseny byti ne mogut (video). To normalno?

Ok, nemaje problema.

Sbornik byl vvezen v viki. Glavna stranica.

Trěba ješče razno poddrživanje: stvoriti kategorije, ubrati kirilicu so stranic, stvoriti šablony, aktualizovati glavnu stranicu, sdělati logotip, abo sodržanje projekta uže tu i Vikiju možno zakryvati (vam, razuměje se).

Krasno, ja bųdų to medlo dělal. Imam ješče jedno pytanje: kako bųde možlivo iskati Vikisbornik v internetě jestli jest sejčas čęsť Medžuviki? I za čto na glåvnoj strånici jest sčisljene samo 9 zapisov?

Vse zapisy Sbornika trěba vključiti v kategoriju Category:Sbornik:Vse (napriklad, črez šablon Template:Sbornik Tekst). Dokolě ovo ne bude sdelanym, sčit pravilnym ne bude.

Pro iskanje: standardno, stranice sbornika sut v iskalniku zajedno s zapisami projekta. Dodatočno, možlivo sdělati črez Džavaskripta tako, čto v prostoru Sbornika «Sbornik:» bude dodati se avtomatično. Bude li se lěpši, než ručny dodatok iskalnika na kadžu stranicu?

Da, očevidno, dodatòčny iskalnik zajmaje město i tvori nepotrěbnų råbotų. Ja ne znam Javascript - jestli možeš to dodati blågodarim Tobě. Hvala takože za sòvěty.

Dodal iskalnik v Sborniku. Jestli ničego iskalnik ne imaje, v iskalnika dodaje se «Sbornik:». I bez tego, jednakože, iskalnik imaje stranice v Sborniku, napriklad Special:Search/K morju.

Kògda bųdų zaključiti urędžanje Vikisbornika, prědlagajų dabysmo utvorili na glåvnoj strånici, niže glåvnogo teksta, někaky link k Vikisborniku, daby byl legko vidimy.

Link uže jest polěv, abo ničto protiv ne imaju.

Čto jestli my sdělajemo glavnu stranicu Sbornika ako glavnu stranicu viki? Bylo by takože dobro iměti logotip odnošenjem ako u logotipa viki, da by možlivo bylo koristati jego na stranicah sbornika kako glavny.

Zdar,

jesi pisal ob logotipě s odnošenjem, k korišćenju na strånicah Vikisbornika. Jest li ta datoteka upotrěbima?

Žalj, ne jesm kompjuterovy grafik i vse jesm dělal na Paintě. Mogl bys jesi to uměstiti kako logotip?

Razmer jest neprigodny u obraza. Trěba 135 na 135. Ja imaju uměnje sdělati logotip, abo ješče ne mogu. Prostějše nyně ostaviti kako jest.

Tako bųde li dobro?

Lěpje bylo by imeti prozračny logotip, abo ustanovil tako.

Hvala Tobě, Lve, ale jest ješče jedna, mala běda - poslě kliknųtja logotipa Vikisbornika sistem posylaje upotrěbitelja na glåvnų strånicų Medžuviki, ne Vikisbornika. Možeš li něčto s tom učiniti?

Sdělaju pozdněje, OK.

Pravdopodobno bųde mi trěba dodavati iskalnik Vikisbornika na vsakoj vikisbornikovoj strånice - kako na stranici Sbornik:Bogorodica