Uruk

Iz Medžuviki, svobodnoj encyklopedije
Jump to navigation Jump to search

Uruk (sum. unug/unuki; akad. Uruk; bibl. Ereh) – antičny grad v južnoj Mesopotamiji, ležavši nad starym korytom Evfrata, sovrěmenno stanovišče arheologične Varka (tož Al-Varka) v Irakě, ležavše okolo 35 km na izhod od dnešnogo koryta Evfrata i ležavšego nad jim grada Samava.

Arheologija[praviti | praviti kod]

Prve prace arheologične v Uruk provodil Villiam Loftus v polu XIX w. V 1912 godu Robert Koldevey, dějuči s ramena Němečskoj Asociaciji Orientalnoj (Deutsche Orient-Gesellschaft), pověril rukovodstvo prac v Uruk Juliusu Jordanu, ktory raněje pracoval s jim v Vaviloně i s Valterom Andrae v Ašur. Toliko jednoj kampaniju arheologičnoj uspěmo završiti prěd načetokom I Světovoj Vojny. Prace podjeto nanovo v 1928 godu i do načetoka II Světovoj Vojny provedono 11 kampaniji arheologičnyh. Rukovoditeljami prac byli Jordan, A. Nöldeke, E. Heinrich i H.J. Lenzen. Prace arheologične nanovo inicializovano v 1953 godu. V godah 1953-67 provodil jim Lenzen, v godah 1967-77 H.J. Schmidt, a od 1980 goda R.M. Boehmer.

Istorija[praviti | praviti kod]

Stanovišče Varka osedene bylo od konca V tys. p.n.e. do časov arabskoj invaziji v VII w. n.e. Kogda stalo ono osedene, Evfrat i Tigr ne sjedinjali se ješče iz soboju, kak jest sučasno (vpadajut do Buhty Persijskoj ako jedna rěka – Šatt al-Arab), a brěg Buhty Persijskoj ležal okolo 80 km bolje na sěverny zapad čim dnešnje. Samo stanovišče javjalo se na krajině blatnoj, zalivovoj.

Vněšnje linky[praviti | praviti kod]

  • Sej zapis sodržaje prěvod iz zapisa «Uruk»[1] v Vikipedijě na poljskom (spis avtorov; dozvolenje CC BY-SA 3.0 Unported)