User:Želězny Jan

Zdravo vsim!

Moje koristničsko imę Želězny Jan jest prěvod od IJzeren Jan, prězvišča pod ktorym jesm aktivny na sěti od lět. Ne jesm člověk, ktory ljubi razgovarjati o sobě, zato skažu jedino, že nazyvaju se Jan van Steenbergen, urodil se jesm 3 junija 1970 g. i živu v IJmuiden (Niderlandija), a raněje takože v Polskě. Moje glavne interesy sut: jezyky, prěd vsim umětne jezyky; historija, a takože alternativna ("umětna") historija; Vozhodna Evropa, prěd vsim Poljska; muzika; filmy.

V 2006 g. jesm byl jedin iz tvoriteljev projekta slovianski i iniciator naturalističnoj versije, slovianski-N. Kromě togo, jesm takože iztvoril několiko inyh jezykov, medžu inymi wenedyk (kako by izgledal poljsky, ako byl by romansky jezyk?) i sěvernoslovjansky jezyk vozgijsky. O mně i mojih dělah možno jest čitati veče na mojej stranici (v anglijskom jezyku).

Ja takože byl jesm osnovitelj i administrator poprědnjih medžuslovjanskyh viki (slovianski.wikia.com, isv.wikinet.org, isv.orain.org). Ako imajete kakekoli pytanja ili komentarje, prošu ostavite je na mojej besědě.

Srdečno,
Jan