User:IJzeren Jan

Privět!

Moje koristničsko ime IJzeren Jan znači: "Želězny Jan" – pod tutym imenem jesm aktivny na Internetu od lět. Ja ne jesm člověk, ktory ljubi razgovarjati o sobě, za to skažu toliko, že v istinnosti nazyvaju se Jan van Steenbergen, jesm urodil se 3 junija 1970 g. i živu v gradu IJmuiden (Niderlandy). Moje glavne interesy sut: jezyky (osoblivo umětne jezyky), historija (osoblivo "umětna historija" = alternativna historija), Vozhodna Evropa (Poljska, Ukrajina), muzika i filmy.

Jesm jedin iz tvoriteljev medžuslovjanskogo jezyka i v prošedšesti jesm započel projekt slovianski-N. Kromě togo jesm iztvoril několiko inyh jezykov, medžu inymi wenedyk (kako by izgleděl poljsky, ako by byl romansky jezyk?) i vozgijsky (sěvernoslovjanskiy jezyk). O mně i mojih dělah možete čitati bolje na mojim vebsajtu (na anglijskom jezyku).

Ja takože jesm osnovitelj i administator tutoj viki. Zato, ako imajete k mně kake-koli pytanja ili komentary, prošu ostaviti je na mojej besědnoj stranici.

Srdečno,
Jan