Viki

Iz Medžuviki, svobodnoj encyklopedije
Jump to navigation Jump to search
Vord Kaningem, izmyslitelj viki

Viki jest sajt, na ktorom koristniki zajedno pravjat sodržanje i sostav prěmo iz prěgledki. V tipičnoj viki, tekst pisě se s pomočju oproščenogo jezyka koda i često pravi se s pomočju redaktora bogatogo teksta.[1]

Viki rabotaje s pomočju viki-softvera, takože znajemogo ako viki-mašina. Viki-mašina jest tip sistemy upravy sodržanjem, abo ono različaje se od drugyh sistem odsučstvom vlastnika ili načelnika i malym javnym sostavom, čto dozvolaje sostavu voznikati po potrěbam koristnikov.

Onlajn-enciklopedija Vikipedija jest najobljubjeny viki-sajt i jedin iz najpogledyvamyh sajtov světa. Vikipedija ne jest jedna viki, abo skorěje sbirka viki, po jednoj dlja každogo jezyka. Anglijska Vikipedija imaje največšu sbirku zapisov (bolje 5,5 milionov v 2018 roku).

Vord Kaningem, razvitčik prvogo viki-softvera, Vikivikiveba, prvonačelno opisal jego ako "najprostějšu onlajn-bazu danyh, ktora može rabotati".[2] Wiki jest havajsko slovo, ktoro znače "bystry".[3]

Iztočniky[praviti]

  1. Wiki (na anglijskom). Encyclopædia Britannica, 2007
  2. Vord Kaningem. What is a Wiki (na anglijskom). WikiWikiWeb, 2002
  3. Heter Hasan. Wikipedia, 3.5 million articles and counting (na anglijskom). 2012

Vněšnje linky[praviti]