Vtorok

Iz Medžuviki, svobodnoj enciklopedije
(Bylo prěadresovano iz Vtornik)
Jump to navigation Jump to search

Vtorok ili vtornik jest drugy denj v sedmici, denj medžu ponedělkom i srědoju. V krajah, kde suprotiv standarda ISO 8601 prvym dnjem sedmice jest obyčajno nedělja, vtorok jest 3. denj v sedmici.

V pravoslavju vtorok jest denj svetogo Ioanna Krestitelja, i v tuty denj jemu posvečajut razne molitvy. V hinduizmu vtorok jest popularny denj dlja molitv bogam Hanumanu, Kartikejě, Durgě, Kali i Ganešu, i mnogi hinduisti odkazyvajut se od jediva vo vtorku.

V slovjanskyh jezykah ime vtorka proizhode od slov "vtory denj" (běl.: аўторак; bulg.: вторник; češ.: úterý; mak.: вторник; pol.: wtorek; rus.: вторник; srbohrv.: utorak; slovač.: utorok; sloven.: torek; ukr.: вівторок). V romansskyh jezykah ime vtorka proizhode od slov "denj Marsa", rimskogo boga vojny, v germanskyh jezykah — od slov "denj Tira", germanskogo boga, ktorogo često mnili ravnym Marsu. V inyh jezykah vtorok često imaje nazvu "2. denj", jestli sčitati od ponedělka, ili "3. denj", jestli sčitati od nedělji.

Vněšnje linky[izměniti | izměniti kod]